"Chelsi" himoyachisi Antonio Ryudiger yozda London klubini tark etishini tasdiqladi.

“Bu qaror men uchun og‘ir bo‘ldi. Klub menga doim yaxshi munosabatda bo‘lgan. Lekin men jamoaga qo‘limdan kelgan hamma narsani berdim deb o‘ylayman. Endi meni yangi sinov kutmoqda” - dedi Ryudiger Sky Sports nashriga.

Avvalroq, Ryudiger mavsum yakunida «Real» bilan shartnoma imzolashi haqida xabarlar tarqalgan edi.

29 yoshli germaniyalik soliqlardan tashqari yiliga 9-10 million yevro oladi. Shartnoma 2026 yilgacha mo‘ljallangan. Tovon puli 400 million yevroni tashkil qiladi.

Futbolchining London klubi bilan shartnomasi 2022 yilning 30 iyunida yakuniga yetadi.

Ryudiger joriy mavsum “Chelsi” safida 50 ta o‘yinda maydonga tushib, 5 ta gol urdi va 4 ta golli uzatmani amalga oshirdi.