"Челси" ҳимоячиси Антонио Рюдигер ёзда Лондон клубини тарк этишини тасдиқлади.
“Бу қарор мен учун оғир бўлди. Клуб менга доим яхши муносабатда бўлган. Лекин мен жамоага қўлимдан келган ҳамма нарсани бердим деб ўйлайман. Энди мени янги синов кутмоқда” - деди Рюдигер Sky Sports нашрига.
Аввалроқ, Рюдигер мавсум якунида «Реал» билан шартнома имзолаши ҳақида хабарлар тарқалган эди.
29 ёшли германиялик солиқлардан ташқари йилига 9-10 миллион евро олади. Шартнома 2026 йилгача мўлжалланган. Товон пули 400 миллион еврони ташкил қилади.
Футболчининг Лондон клуби билан шартномаси 2022 йилнинг 30 июнида якунига етади.
Рюдигер жорий мавсум “Челси” сафида 50 та ўйинда майдонга тушиб, 5 та гол урди ва 4 та голли узатмани амалга оширди.
