"Inter" yarim himoyachisi Ivan Perishich faoliyatini "Yuventus"da davom ettirishi mumkin. Bu haqda La Gazzetta dello Sport nashri xabar bermoqda.
Manbaning xabariga ko‘ra, Turinliklar rahbariyati 33 yoshli xorvatga shartnoma taklif qilishga tayyor.
Yarim himoyachi joriy mavsumda “qora-ko‘klar” safida 47 ta o‘yinda maydonga tushib, 9 ta gol urdi va 8 ta golli uzatmani amalga oshirdi.
Perishichning "Inter" bilan shartnomasi shu yozgacha mo‘ljallangan. Italiya kubogining “Yuventus”ga qarshi o‘yinidan so‘ng (4:2) xorvatiyalik futbolchi yangi kelishuv bo‘yicha muzokaralar cho‘zilib ketgani uchun hozirgi klubi rahbariyatini tanqid qildi.
