"Интер" ярим ҳимоячиси Иван Перишич фаолиятини "Ювентус"да давом эттириши мумкин. Бу ҳақда La Gazzetta dello Sport нашри хабар бермоқда.
Манбанинг хабарига кўра, Туринликлар раҳбарияти 33 ёшли хорватга шартнома таклиф қилишга тайёр.
Ярим ҳимоячи жорий мавсумда “қора-кўклар” сафида 47 та ўйинда майдонга тушиб, 9 та гол урди ва 8 та голли узатмани амалга оширди.
Перишичнинг "Интер" билан шартномаси шу ёзгача мўлжалланган. Италия кубогининг “Ювентус”га қарши ўйинидан сўнг (4:2) хорватиялик футболчи янги келишув бўйича музокаралар чўзилиб кетгани учун ҳозирги клуби раҳбариятини танқид қилди.
