"Yuventus" hujumchisi Paulo Dibala ijtimoiy tarmoqlar orqali klub bilan xayrlashdi. 28 yoshli argentinalik futbolchi jamoa va jamoadoshlariga minnatdorchilik bildirdi.
"Xayrlashish uchun to‘g‘ri so‘z topish qiyin. Ko‘p yillar va his-tuyg‘ular. Yana bir necha yil birga o‘tkazamiz deb o‘yladim, ammo taqdir bizni boshqa yo‘llarga boshladi. Menga bergan narsalaringizni hech qachon unutmayman - har bir uchrashuv, har bir gol. Men siz bilan birga katta bo‘ldim va tajriba ortirdim. Men orzumni amalga oshirdim.
Yetti ajoyib yil o‘tdi - 12 ta sovrin, 115 ta gol, ularni hech kim olib qo‘ymaydi. Hech qachon. Qiyin paytlarda meni qo‘llab-quvvatlaganingiz uchun rahmat.
Shu yillar davomida men bilan birga bo‘lganlarga rahmat: birinchisidan to oxirgisigacha, muxlislardan tortib klub a’zolarigacha. Barchaga, menejerlar va jamoadoshlarga, xodimlar va boshliqlarga rahmat.
Ushbu futbolkani kiyish va sardorlik bog‘ichini taqish hayotimdagi eng faxrli lahzalardan biri bo‘ldi. Umid qilamanki, bir kun kelib ularni farzandlarim, nevaralarimga ko‘rsataman.
Ertaga bu libosdagi so‘nggi o‘yinim bo‘ladi. Tasavvur qilish qiyin, lekin siz bilan xayrlashish kerak. Bu oson bo‘lmaydi, lekin men qo‘limdan kelganini qilganimni bilib, tabassum va boshimni baland ko‘targan holda maydonga chiqaman”.
28 yoshli argentinalik futbolchining turinliklar bilan shartnomasi 2022 yilning iyunida yakuniga yetadi.
