Turkiyada bo‘lib o‘tayotgan boks bo‘yicha ayollar o‘rtasidagi jahon chempionatida bugungi dastur doirasida o‘zbekistonlik beshinchi sportchi o‘z jangini o‘tkazdi. 66 kg. vazn toifasidagi hamyurtimiz Anna Xamori (Vengriya) bilan jang olib bordi.  

O‘zbekistonlik bokschi birinchi raundni, hakamlarning ovoziga ko‘ra, 4:1 hisobida o‘z foydasiga hal qildi. Ikkinchi bo‘lim esa 3:2 hisobida vengriyalik sportchi foydasiga hal bo‘ldi.

Navbahor so‘nggi bo‘limda faollikni oshirdi va jangda g‘alaba qozondi. Hakamlarning yakuniy bahosi — 4:1.

Shu tariqa, Hamidova chorak final yo‘llanmasini qo‘lga kiritdi. U yarim final yo‘llanmasi uchun turkiyalik Busenaz Surmeniliga qarshi ringga ko‘tariladi.

Umuman olganda esa, JCHga yo‘l olgan 10 nafar o‘zbekistonlik bokschilardan besh nafari chorak finalga chiqishdi.