"Everton" bosh murabbiyi Frenk Lempardning fikricha, uning jamoasi Angliya Premyer-ligasidagi o‘rnini saqlab qola oladi.
Kecha, 15 may kuni “Everton” o‘z maydonida “Brentford”ga imkoniyatni boy berdi (2:3). Mezbonlarning ikki futbolchisi maydondan chetlatilgani sababli ular o‘yinni 9 kishi bilan yakunlashdi.
"G‘alaba bizni quyi ligaga tushib qolishdan himoya qilishini tushungandik. Birinchi bo‘limda yaxshi o‘ynadik. Biz to‘liq tarkibda bo‘lganimizda, hammasi yaxshi edi. Chetlatishdan oldin menga hammasi g‘alaba bilan tugaydigandek tuyulardi, lekin birinchi qizil kartochka hammasini o‘zgartirib yubordi.
Bu ham psixologiya, ham jismoniy holat masalasi. Hammasi o‘zimizga bog‘liq. Agar keyingi o‘yinda g‘alaba qozonsak, Premyer-ligada qolamiz.
Men o‘z futbolchilarimga ishonaman va muxlislar bizni keyingi o‘yinda ham, bugungidek qo‘llab-quvvatlashiga ishonaman", - dedi Lempard.
