O‘zbekiston Superligasi 9-turidan o‘rin olgan “Navbahor” – “Neftchi” o‘rtasidagi uchrashuv arafasida “lochinlar”ning 29 yoshli serbiyalik tajribali yarim himoyachisi Yovan Jokich bo‘lajak o‘yin haqidagi fikrlari bilan o‘rtoqlashdi.

- Bo‘lajak bahs “vodiy derbisi”maqomiga ega va derbi uchrashuvlari jamoalar turnir jadvalida qaysi pog‘onani egallab turganligidan qat’iy nazar, doimo keskin kurashlar ostida o‘tadi. Albatta, mazkur o‘yin ham bundan mustasno bo‘lmaydi. Shu bois, har bir raqibni hurmat qilish kerak va xotirjamlikka berilish yaramaydi.

O‘zbekiston Superligasida 5 yildan buyon o‘ynayapman hamda “Navbahor” – “Neftchi” o‘rtasidagi bahslarning juda yuqori saviya, keskin kurashlar ostida bo‘lib o‘tganligini juda yaxshi bilaman. Endi esa o‘zim shunday o‘yinda ishtirok etish imkoniyatiga ega bo‘lib turibman.

Jamoamizga barcha sharoitlarni yaratib berayotgan Namangan viloyati hokimi Shavkat Shokirjanovich Abdurazzoqov tashabbuslari bilan muxlislarga qulaylik yaratish maqsadida, “Navbahor” – “Neftchi” uchrashuvi chiptalari ancha arzonlashtirildi. 

Ishqibozlar ushbu imkoniyatdan foydalangan holda, stadionni to‘ldirib, jamoamizni munosib tarzda qo‘llab-quvvatlab, biz – futbolchilarga madadkor bo‘lishadi, degan umiddaman.

Biz esa “vodiy derbisi”dan tashqari, prinsipial ahamiyatga ham ega bo‘lgan bo‘lajak bahsda zafar quchib g‘alabali odimimizni davom ettirish, peshqadamlik mavqemizni mustahkamlash, muxlislarga quvonch ulashishga barcha imkoniyatimizni ishga solamiz.    

Fursatdan foydalanib,”Navbahor”ga barcha qulayliklarni yaratib berayotgan  Namangan viloyati hokimi Shavkat Shokirjanovich Abdurazzoqov hamda klub rahbariyati, shu jumladan, klub prezidenti Otabek Arifovich Samatovga jamoamiz nomidan o‘z minnatdorchiligimizni bildiraman.

Jamoamiz joriy mavsumda o‘z oldiga qo‘ygan maqsadiga erishadi, degan umiddaman va buni amalga oshirish uchun biz – futbolchilar qo‘ldan kelganicha harakat qilamiz.