Ўзбекистон Суперлигаси 9-туридан ўрин олган “Навбаҳор” – “Нефтчи” ўртасидаги учрашув арафасида “лочинлар”нинг 29 ёшли сербиялик тажрибали ярим ҳимоячиси Йован Жокич бўлажак ўйин ҳақидаги фикрлари билан ўртоқлашди.

- Бўлажак баҳс “водий дербиси”мақомига эга ва дерби учрашувлари жамоалар турнир жадвалида қайси поғонани эгаллаб турганлигидан қатъий назар, доимо кескин курашлар остида ўтади. Албатта, мазкур ўйин ҳам бундан мустасно бўлмайди. Шу боис, ҳар бир рақибни ҳурмат қилиш керак ва хотиржамликка берилиш ярамайди.

Ўзбекистон Суперлигасида 5 йилдан буён ўйнаяпман ҳамда “Навбаҳор” – “Нефтчи” ўртасидаги баҳсларнинг жуда юқори савия, кескин курашлар остида бўлиб ўтганлигини жуда яхши биламан. Энди эса ўзим шундай ўйинда иштирок этиш имкониятига эга бўлиб турибман.

Жамоамизга барча шароитларни яратиб бераётган Наманган вилояти ҳокими Шавкат Шокиржанович Абдураззоқов ташаббуслари билан мухлисларга қулайлик яратиш мақсадида, “Навбаҳор” – “Нефтчи” учрашуви чипталари анча арзонлаштирилди. 

Ишқибозлар ушбу имкониятдан фойдаланган ҳолда, стадионни тўлдириб, жамоамизни муносиб тарзда қўллаб-қувватлаб, биз – футболчиларга мададкор бўлишади, деган умиддаман.

Биз эса “водий дербиси”дан ташқари, принципиал аҳамиятга ҳам эга бўлган бўлажак баҳсда зафар қучиб ғалабали одимимизни давом эттириш, пешқадамлик мавқемизни мустаҳкамлаш, мухлисларга қувонч улашишга барча имкониятимизни ишга соламиз.    

Фурсатдан фойдаланиб,”Навбаҳор”га барча қулайликларни яратиб бераётган  Наманган вилояти ҳокими Шавкат Шокиржанович Абдураззоқов ҳамда клуб раҳбарияти, шу жумладан, клуб президенти Отабек Арифович Саматовга жамоамиз номидан ўз миннатдорчилигимизни билдираман.

Жамоамиз жорий мавсумда ўз олдига қўйган мақсадига эришади, деган умиддаман ва буни амалга ошириш учун биз – футболчилар қўлдан келганича ҳаракат қиламиз.