“Arsenal” bosh murabbiyi Mikel Arteta “Nyukasl”dan 0:2 hisobida uchralgan mag‘lubiyatdan so‘ng jurnalistlarning ko‘plab savollariga javob qaytardi.
Murabbiydan "Arsenal" qishda va o‘tgan yilgi yozgi transfer oynasida amalga oshirgan transferlarga munosabati haqida so‘ralgan.
"Biz mavsum boshida qo‘limizdan kelgan hamma narsani qildik. Men har doim o‘z futbolchilarimni himoya qilganman, ammo "Nyukasl"dan uchralgan mag‘lubiyatdan so‘ng buni qilish juda qiyin" - dedi Arteta.
Premyer-liganing so‘nggi turi oldidan "Arsenal" keyingi mavsumda Chempionlar ligasiga chiqish imkoniyatini qiyinlashtirdi. "Kanonirlar" Premyer-ligada kuchli to‘rtlikka kirish uchun "Tottenxem"dan ikki ochko ortda qolmoqda.