“Арсенал” бош мураббийи Микель Артета “Ньюкасл”дан 0:2 ҳисобида учралган мағлубиятдан сўнг журналистларнинг кўплаб саволларига жавоб қайтарди.
Мураббийдан "Арсенал" қишда ва ўтган йилги ёзги трансфер ойнасида амалга оширган трансферларга муносабати ҳақида сўралган.
"Биз мавсум бошида қўлимиздан келган ҳамма нарсани қилдик. Мен ҳар доим ўз футболчиларимни ҳимоя қилганман, аммо "Ньюкасл"дан учралган мағлубиятдан сўнг буни қилиш жуда қийин" - деди Артета.
Премьер-лиганинг сўнгги тури олдидан "Арсенал" кейинги мавсумда Чемпионлар лигасига чиқиш имкониятини қийинлаштирди. "Канонирлар" Премьер-лигада кучли тўртликка кириш учун "Тоттенхэм"дан икки очко ортда қолмоқда.
