Klub futbolkasini o‘g‘irlagan "Roma" muxlisi "Mourinyo effekti"ni misol qilib keltirib, o‘zini oqladi.

Konferensiya ligasining yarim finalidagi g‘alaba butun shaharni hayajonga soldi. Hayajon shu darajaga yetadiki, muxlislar o‘zini noo‘rin tuta boshladi. Rim markazidagi klub do‘konidan bir muxlis futbolka o‘g‘irlab ketdi, deb xabar bermoqda Corriere dello Sport.

U o‘zini oqlab, polisiyaga quyidagicha ko‘rsatma berdi: "Mourinyo qo‘l ostidagi "Roma" meni aqldan ozdirmoqda - biz Konferensiya ligasi finalidamiz. Men o‘zimni ushlab tura olmadim”, - dedi "Roma" klubi muxlisi.

Xabarda aytilishicha, polisiya 29 yoshli erkakni qo‘yib yuborgan va libos do‘konga qaytarib berilgan.

"Roma" va "Feyenoord" jamoalari o‘rtasidagi Konferensiya ligasi finali 25 may kuni Tiranada bo‘lib o‘tadi.