Joriy yilning 1-19 iyun kunlari O‘zbekiston yashil maydonlarida 23 yoshgacha bo‘lgan futbolchilar o‘rtasidagi Osiyo chempionati bo‘lib o‘tadi. Ushbu musobaqa uchrashuvlariga “Bunyodkor”, “Lokomotiv”, “Paxtakor” hamda Qarshidagi “Markaziy” o‘yingoh mezbonlik qiladi.
OFK talabiga ko‘ra, U-23 Osiyo chempionati uchrashuvlari o‘tadigan stadionlar 7 kun avval musobaqa tashklilotchilariga taqdim etilishi lozim. Shuni inobatga olgan holda Coca-Cola Superliga 11-turi doirasidan o‘rin olgan 29 may kuniga belgilangan “Surxon” – “Bunyodkor” uchrashuvi "Lokomotiv" stadionidan OKMK sport majmuasiga ko‘chirildi.
Eslatib o‘tamiz, U-23 Osiyo chempionati sababli ikki uchrashuv mezboni almashgani hakida xabar bergan edik.
Ma’lumot uchun, Termizdagi stadion projektorlari talab darajasiga keltirilmaganidan kelib chiqib, “Surxon” futbol klubi uy uchrashuvlarini boshqa stadionlarda o‘tkazishga majbur bo‘lyapti. Olmaliqqa qadar termizliklar Samarqand hamda Toshkent stadionlarida o‘yinlar o‘tkazishdi. Ayni vaqtda klub rahbariyati Termizdagi stadion yoritgichlarini yaxshilash ustida ishlayapti.
