"Liverpul" yarim himoyachisi Jordan Xenderson o‘tgan shanba kuni Angliya kubogi finali o‘yinidan keyingi penaltilar seriyasida penaltini golga aylantira olmagan "Chelsi" futbolchisi Meyson Mauntni maqtadi.
“Siz “Chelsi” qanchalik yaxshi klub ekanini bilasiz. Albatta, ular uchun penaltini noaniq bajarish yoqimsiz bo‘ldi. Men Maunt juda xafa bo‘lishini bilardim. To‘g‘risini aytsam, uning ko‘nglini ko‘tarishimni istamagan bo‘lsa kerak, lekin men uni biroz qo‘llab-quvvatlashim kerak edi, chunki u ajoyib o‘yinchi, ajoyib yigit va u hali juda yosh”, - dedi “Liverpul” sardori Liverpool Echo bilan suhbatda.
Eslatib o‘tamiz, yaqinda "Liverpul" Angliya kubogi finalida "Chelsi"ni mag‘lub etib, mavsumdagi ikkinchi sovrinini qo‘lga kiritgan edi.