Milanning "Inter" klubi hujumkor yarim himoyachi Ivan Perishichni o‘z safida olib qolmoqchi, ammo u bilan yangi shartnoma bo‘yicha kelisha olmayapti.

Tuttosport nashrining ma’lum qilishicha, xorvatiyalik futbolchi maoshni oshirishni istamoqda va "neradzurrilar"ga ultimatum qo‘ygan. U yiliga kamida olti million yevro ishlab olmoqchi. Talab qilingan shartlar "Inter" klubiga mos kelmaydi. Klub rahbarlari 33 yoshli futbolchiga bunday pul to‘lashga tayyor emaslar.

Ivanning "Inter" bilan shartnomasi shu yilning yozida tugaydi. Xorvatiyalik vingerga da’vogarlar orasida Londonning “Chelsi” va Turinning “Yuventus” klublari bor.