Миланнинг "Интер" клуби ҳужумкор ярим ҳимоячи Иван Перишични ўз сафида олиб қолмоқчи, аммо у билан янги шартнома бўйича келиша олмаяпти.
Tuttosport нашрининг маълум қилишича, хорватиялик футболчи маошни оширишни истамоқда ва "нерадзуррилар"га ультиматум қўйган. У йилига камида олти миллион евро ишлаб олмоқчи. Талаб қилинган шартлар "Интер" клубига мос келмайди. Клуб раҳбарлари 33 ёшли футболчига бундай пул тўлашга тайёр эмаслар.
Иваннинг "Интер" билан шартномаси шу йилнинг ёзида тугайди. Хорватиялик вингерга даъвогарлар орасида Лондоннинг “Челси” ва Туриннинг “Ювентус” клублари бор.
