"PSJ" klubi hujumchi Kilian Mbappening futbolkalarini sotishni to‘xtatdi. Ochig‘i, bu futbolchining nihoyat Fransiya klubini tark etishga qaror qilgani bilan bog‘liq ekanligi deb taxmin qilinmoqda.
Avvalroq, "PSJ" hujumchini jamoada olib qolish uchun barcha imkoniyatlarni ishga solgani xabar qilingandi, ammo bu urinishlar samarasiz yakunlandi.
Hozirda "PSJ" internet-do‘konida fransiyalik futbolchining ismi yozilgan futbolka yo‘q. Yaqinda Mbappening o‘zi kelajagi borasidagi qarorini e’lon qilishi aytilmoqda.
Joriy mavsumda futbolchi Fransiya chempionatida 34 ta o‘yin o‘tkazib, 25 ta gol va 17 ta golli uzatmani amalga oshirdi.
