"ПСЖ" клуби ҳужумчи Килиан Мбаппенинг футболкаларини сотишни тўхтатди. Очиғи, бу футболчининг ниҳоят Франция клубини тарк этишга қарор қилгани билан боғлиқ эканлиги деб тахмин қилинмоқда.
Аввалроқ, "ПСЖ" ҳужумчини жамоада олиб қолиш учун барча имкониятларни ишга солгани хабар қилинганди, аммо бу уринишлар самарасиз якунланди.
Ҳозирда "ПСЖ" интернет-дўконида франциялик футболчининг исми ёзилган футболка йўқ. Яқинда Мбаппенинг ўзи келажаги борасидаги қарорини эълон қилиши айтилмоқда.
Жорий мавсумда футболчи Франция чемпионатида 34 та ўйин ўтказиб, 25 та гол ва 17 та голли узатмани амалга оширди.
