“Roma” futbolchilarining tushlik qilishayotganini kuzatib borayotgan soqchilar ikki nafar jurnalistga hujum qilishdi.

Football Italia nashri ma’lum qilishicha, futbolchilar klubni xabardor qilmasdan Rim markazida tushlik uyushtirishgan va klub rahbariyati futbolchilarning rejalaridan xabardor bo‘lishi bilanoq rahbariyat xususiy agentlikdan tansoqchilar yollagan.

Futbolchilar ochiq havoda o‘tirishdi va ikki nafar jurnalist futbolchilarni suratga olish uchun birinchi qavatga chiqdi, bu esa tansoqchilarni sergak tortdi.

Soqchilar jurnalistlardan suratlarni o‘chirish tashlashlarini qat’iy talab qilishdi. Biroq, jurnalistlarning rad etishi vaziyatning yomonlashishiga olib keldi. Soqchilar kuch ishlatib, janjal polisiya yetib kelganidan keyingina to‘xtadi.

Ijtimoiy tarmoqlarda yordam so‘rab baqirayotgan erkakni xavfsizlik xodimi devorga qattiq itarib yuborayotgani aks etgan videolar paydo bo‘ldi.

Football Italia manbalarining qo‘shimcha qilishicha, "Roma" jurnalistlardan uzr so‘ragan va xususiy agentlikka kelajakda ularning xizmatlaridan foydalanmasliklarini aytgan.