“Рома” футболчиларининг тушлик қилишаётганини кузатиб бораётган соқчилар икки нафар журналистга ҳужум қилишди.
Football Italia нашри маълум қилишича, футболчилар клубни хабардор қилмасдан Рим марказида тушлик уюштиришган ва клуб раҳбарияти футболчиларнинг режаларидан хабардор бўлиши биланоқ раҳбарият хусусий агентликдан тансоқчилар ёллаган.
Футболчилар очиқ ҳавода ўтиришди ва икки нафар журналист футболчиларни суратга олиш учун биринчи қаватга чиқди, бу эса тансоқчиларни сергак тортди.
Соқчилар журналистлардан суратларни ўчириш ташлашларини қатъий талаб қилишди. Бироқ, журналистларнинг рад этиши вазиятнинг ёмонлашишига олиб келди. Соқчилар куч ишлатиб, жанжал полиция етиб келганидан кейингина тўхтади.
Ижтимоий тармоқларда ёрдам сўраб бақираётган эркакни хавфсизлик ходими деворга қаттиқ итариб юбораётгани акс этган видеолар пайдо бўлди.
Football Italia манбаларининг қўшимча қилишича, "Рома" журналистлардан узр сўраган ва хусусий агентликка келажакда уларнинг хизматларидан фойдаланмасликларини айтган.
