"Manchester Siti" braziliyalik hujumchi Gabriel Jezusni sotishga qaror qildi.
ESPN nashriga ma’lum bo‘lishicha, "shaharliklar" norvegiyalik to‘purar Erling Xolandning transferi uchun sarflangan mablag‘ning bir qismini qoplash maqsadida hujumchi bilan xayrlashishga qaror qilishgan.
"Siti" skandinaviyalik bilan kelishuv uchun jami 250 million yevro ajratadi. Ushbu miqdorga transfer narxi, ish haqi va agentlarga komissiyalar kiradi.
Gabriel uchun asosiy da’vogar Londonning "Arsenal" jamoasi bo‘lib turibdi.
