"Real"ning sobiq yulduzi braziliyalik Kakaga A-darajali murabbiylik lisenziyasi topshirildi. Braziliyalik futbolchi o‘zining ijtimoiy tarmoqlarida bu yangilik haqida xabar tarqatdi va suratga “Faqatgina jamoa yetishmayapti” degan post joyladi.
Garchi Kaka “Pro-lisenziya”ni qo‘lga kiritmagan bo‘lsa-da, bu lisenziya unga jamoalar bilan ishlash imkonini beradi.
Kaka 2017 yilda MLSning “Orlando Siti” jamoasidan ketganidan so‘ng butsalarini mix osib qo‘ygandi. Shundan so‘ng u futbol o‘ynamadi, balki o‘z bilimi ustida ishladi.
Mutaxassislarning qayd etishicha, o‘zining yorqin o‘tmishi hamda “Real” va “Milan” bilan aloqalari tufayli Kaka Yevropaning mashhur klublaridan biriga ishga joylashish uchun yaxshi imkoniyatga ega.
