"Реал"нинг собиқ юлдузи бразилиялик Какага А-даражали мураббийлик лицензияси топширилди. Бразилиялик футболчи ўзининг ижтимоий тармоқларида бу янгилик ҳақида хабар тарқатди ва суратга “Фақатгина жамоа етишмаяпти” деган пост жойлади.
Гарчи Кака “Про-лицензия”ни қўлга киритмаган бўлса-да, бу лицензия унга жамоалар билан ишлаш имконини беради.
Кака 2017 йилда МЛСнинг “Орландо Сити” жамоасидан кетганидан сўнг бутсаларини мих осиб қўйганди. Шундан сўнг у футбол ўйнамади, балки ўз билими устида ишлади.
Мутахассисларнинг қайд этишича, ўзининг ёрқин ўтмиши ҳамда “Реал” ва “Милан” билан алоқалари туфайли Кака Европанинг машҳур клубларидан бирига ишга жойлашиш учун яхши имкониятга эга.
