Frankfurtning «Ayntraxt» klubi himoyachisi Evan N’Dika Premyer-ligaga o‘tishi mumkin.
Germaniya matbuotining yozishicha, 22 yoshli fransiyalik futbolchi Premyer-liganing ikki vakilining qiziqish doirasiga tushib qolgan. Gap Londonning “Tottenxem” va “Manchester Yunayted” jamoalari haqida ketmoqda.
Biroq, Evan britaniyaliklardan voz kechishi va kelasi mavsumda jamoa bilan Chempionlar ligasida o‘ynash uchun "Ayntraxt"da qolishi mumkin. Eslatib o‘tamiz, nemis klubi Yevropa ligasi g‘olibiga aylandi.
Bundesliganing 2021/2022 yilgi mavsumida himoyachi 32 uchrashuvda 4 ta gol urdi va 3 ta golli uzatmani amalga oshirdi.
