Франкфуртнинг «Айнтрахт» клуби ҳимоячиси Эван Н’Дика Премьер-лигага ўтиши мумкин.
Германия матбуотининг ёзишича, 22 ёшли франциялик футболчи Премьер-лиганинг икки вакилининг қизиқиш доирасига тушиб қолган. Гап Лондоннинг “Тоттенхэм” ва “Манчестер Юнайтед” жамоалари ҳақида кетмоқда.
Бироқ, Эван британияликлардан воз кечиши ва келаси мавсумда жамоа билан Чемпионлар лигасида ўйнаш учун "Айнтрахт"да қолиши мумкин. Эслатиб ўтамиз, немис клуби Европа лигаси ғолибига айланди.
Бундеслиганинг 2021/2022 йилги мавсумида ҳимоячи 32 учрашувда 4 та гол урди ва 3 та голли узатмани амалга оширди.
