"PSJ" hujumchisi Kilian Mbappe Parij klubida qolishga qaror qildi, deb xabar beradi L'Equipe. Futbolchi klub bilan 3 yillik shartnoma imzolaydi.
Manba bergan xabarga ko‘ra, bu haqdagi qaror "PSJ"ning Fransiya chempionati doirasidagi "Mes"ga qarshi o‘yinidan so‘ng rasman e’lon qilinadi.
Avvalroq "Real" prezidenti Florentino Peres futbolchilarga Mbappe Madrid klubiga o‘tmasligini ma’lum qilgani haqida xabar berilgandi.
Fransiyalik futbolchi joriy mavsumda parijliklar safida barcha turnirlar doirasida 46 o‘yinda 36 ta gol va 26 ta golli uzatmani amalga oshirdi. Uning klub bilan shartnomasi 2022-yilning 30-iyuniga qadar mo‘ljallangan.