Argentinalik futbolchi Anxel Di Mariya "PSJ"ni rasman tark etadi.
Fransiya chempionatining so‘nggi turidan o‘rin olgan "Mes" jamoasiga qarshi uchrashuvdan keyin Di Mariya parijlik muxlislar bilan xayrlashdi.
Ma’lumot uchun, Anxel 2015 yilda "Manchester Yunayted"dan "PSJ"ga ko‘chib o‘tgandan so‘ng 7 mavsum o‘tkazdi.
U parijliklar safida jami 294 ta o‘yin o‘tkazib, 91 ta gol urgan va 111 ta golli uzatmani amalga oshirgan.
Avvalroq, 34 yoshli yarim himoyachi erkin agent sifatida "Yuventus"ga o‘tishi haqida xabarlar tarqalgan edi.