Italiyalik mutaxassis Antonio Konte "Tottenxem" bilan yaxshi ishladi va mavsum o‘rtasida klubni qabul qilib oldi. Uning mehnati evaziga “shporlar” “Arsenal” va “Manchester Yunayted”ni yaqin kurashda ortda qoldirib, so‘nggi o‘yinlarda Chempionlar ligasiga yo‘l oldi. Kontening fikricha, mavsum boshida jamoa boshdan kechirgan muammolar fonida bu juda munosib natija.
"Mavsum natijalaridan qoniqish hosil qilishimiz kerak. Biz chempionlikni qo‘lga kiritmadik, ammo hozirgi sharoitda Chempionlar ligasiga yo‘llanma olish kubokni qo‘lga kiritishga o‘xshaydi. Biz bajarilgan ishning ahamiyatini tushunishimiz kerak. Kelgusi mavsum ancha katta bo‘ladi va bu qiyinroq bo‘lishini anglatadi", dedi Fotball Italia nashriga intervyu bergan Konte.
