"Manchester Yunayted" yarim himoyachisi Pol Pogbaning Turinning "Yuventus" klubiga tekinga o‘tishi amalga oshmay qolishi mumkin. Tuttomercato xabariga ko‘ra, agar fransiyalik futbolchi Zinedin Zidan "PSJ"ga murabbiy bo‘lsa, Parijga o‘tishni afzal ko‘rishi mumkin.
Oldinroq Maurisio Pochettino mavsum yakunida "PSJ"ni tark etishi xabar qilingandi. Argentinalikni almashtirishning ustuvor variantlaridan biri bu "Real Madrid" boshchiligida uch marta Chempionlar ligasini yutgan Zinedin Zidan. Pogba Zidan bilan birga ishlashni istaydi, bu uning "Yuventus"ga o‘tishini izdan chiqarishi mumkin.
Eslatib o‘tamiz, avvalroq Pogba "Yuventus" bilan shartnoma borasida kelishib olgandi.
