“Leypsig” klubi hujumchi Kristofer Nkunku bilan xayrlashmoqchi emas. Bu haqda Bild nashri xabar berdi.
Manbaga ko‘ra, fransiyalik hujumchi klub bilan shartnomani uzaytirishga rozi bo‘lgan, unda tovon puli ham ko‘rsatilishi kerak.
Avvalroq Nkunku xizmatlariga "Chelsi", "Milan", "Manchester Yunayted" va "Barselona" kabi klublar qiziqish bildirayotgani ma’lum bo‘lgandi.
Uning "Leypsig" bilan amaldagi shartnomasi 2024 yilgacha mo‘ljallangan. 24 yoshli yarim himoyachi joriy mavsum 34 ta o‘yinda maydonga tushib, 20 ta gol urdi va 15 ta golli uzatmani amalga oshirdi.