Bugun Markaziy Osiyo futbol assosiasiyasining navbatdagi yig‘ilishi o‘tkazildi. Unda O‘FA birinchi vise-prezidenti Ravshan Ermatov va bosh kotib Avaz Maksumov ishtirok etdilar. Onlayn yig‘ilishda dastavval kun tartibi va undan o‘rin olgan masalalar tasdiqlab olindi.
Uchrashuv davomida Markaziy Osiyo mintaqasida yuqori sifatli musobaqalarni o‘tkazish, mintaqa futbolini qit’a hamda jahon miqyosida yuqori pog‘onalarga olib chiqish masalalari ko‘rib chiqildi. Shuningdek, tashkilot tomonidan rejadagi turnirlar va tadbirlarni o‘tkazish yuzasidan muhokamalar bo‘lib o‘tdi.
