Ingliz jurnalistlarining fikricha, hujumchi Eddi Nketia "Arsenal"da qoladi.
Manbalarga ko‘ra, futbolchi boshqa klublardan tushgan barcha takliflarni rad etgan va tez orada "kanonirlar" bilan uzoq muddatli shartnoma imzolaydi.
Avvalroq hujumchiga "Chelsi", "Liverpul", "Kristal Pelas" va Germaniyaning bir qator klublari qiziqish bildirayotgani haqida ma’lumotlar paydo bo‘lgandi.
Nketianing "Arsenal" bilan shartnomasi yozgacha amal qiladi.
Joriy mavsumda 22 yoshli angliyalik futbolchi "kanonirlar" safida barcha turnirlar doirasida 27 ta o‘yinda maydonga tushib, 10 ta gol va bitta golli uzatmani amalga oshirdi. Transfermarkt portali forvardni 10 million yevroga baholamoqda.