Инглиз журналистларининг фикрича, ҳужумчи Эдди Нкетиа "Арсенал"да қолади.
Манбаларга кўра, футболчи бошқа клублардан тушган барча таклифларни рад этган ва тез орада "канонирлар" билан узоқ муддатли шартнома имзолайди.
Аввалроқ ҳужумчига "Челси", "Ливерпуль", "Кристал Пэлас" ва Германиянинг бир қатор клублари қизиқиш билдираётгани ҳақида маълумотлар пайдо бўлганди.
Нкетианинг "Арсенал" билан шартномаси ёзгача амал қилади.
Жорий мавсумда 22 ёшли англиялик футболчи "канонирлар" сафида барча турнирлар доирасида 27 та ўйинда майдонга тушиб, 10 та гол ва битта голли узатмани амалга оширди. Трансфермаркт портали форвардни 10 миллион еврога баҳоламоқда.