"Fiorentina" hujumchi Edinson Kavaniga qiziqish bildirmoqda. Futbolchi yozgi mavsumda "MYU"ni tark etishni rejalashtirgan.
Urugvaylik hujumchining ingliz klubi bilan shartnomasi shu yozda yakuniga yetadi va har ikki tomon ham shartnomani uzaytirmaslikka qaror qilishgan.
Kavani “Yunayted”ga 2020 yilning yozida kelib qo‘shildi va darhol muxlislarning sevimlisiga aylandi. Ammo Krishtianu Ronalduning kelishi 37 yoshli hujumchining o‘yin vaqtini ancha qisqartirdi. Kavanining o‘zi avvalroq faoliyatini Janubiy Amerikada davom ettirish niyatida ekanligini ma’lum qilgandi.
Futbolchi joriy mavsumda APLda 15 ta o‘yinda maydonga tushib, 2 ta gol urdi va 1 ta golli uzatmani amalga oshirdi.
