"Liverpul" yarim himoyachisi Jordan Xenderson Chempionlar ligasi finali oldidan o‘tkazilgan matbuot anjumanida jamoadoshi Muhammad Salohning "Real"dan "qasos" olmoqchi ekanligi haqidagi so‘zlariga hazil qildi.
"U buni aytmoqchi emas edi, to‘g‘rimi, Saloh?", deb hazillashdi yarim himoyachi. "Men Salohning nuqtai-nazaridan tushuna olaman, bu juda hissiyotlarga to‘la vaqt edi, u uchun og‘ir, hamma uchun og‘ir edi, lekin menga Chempionlar ligasi finalida g‘alaba qozonish uchun endi motivasiya kerak emas" - deya qo‘shimcha qildi Xenderson.
Xendersonning qo‘shimcha qilishicha, bunday darajadagi o‘yinda ishtirok etishning o‘zi avtomatik tarzda jamoani natijalarga erishishga undaydi.
"Real" va "Liverpul" o‘rtasidagi Chempionlar ligasi finali 29 may kuni Parijda bo‘lib o‘tadi.
