"Ливерпуль" ярим ҳимоячиси Жордан Хендерсон Чемпионлар лигаси финали олдидан ўтказилган матбуот анжуманида жамоадоши Муҳаммад Салоҳнинг "Реал"дан "қасос" олмоқчи эканлиги ҳақидаги сўзларига ҳазил қилди.
"У буни айтмоқчи эмас эди, тўғрими, Салоҳ?", деб ҳазиллашди ярим ҳимоячи. "Мен Салоҳнинг нуқтаи-назаридан тушуна оламан, бу жуда ҳиссиётларга тўла вақт эди, у учун оғир, ҳамма учун оғир эди, лекин менга Чемпионлар лигаси финалида ғалаба қозониш учун энди мотивация керак эмас" - дея қўшимча қилди Хендерсон.
Хендерсоннинг қўшимча қилишича, бундай даражадаги ўйинда иштирок этишнинг ўзи автоматик тарзда жамоани натижаларга эришишга ундайди.
"Реал" ва "Ливерпуль" ўртасидаги Чемпионлар лигаси финали 29 май куни Парижда бўлиб ўтади.
