Angliya klublari “Inter” himoyachisi Alessandro Bastoniga qiziqish bildirmoqda. Gap "Manchester Yunayted" va Londonning "Tottenxem" klublari haqida ketmoqda. Bu haqda jurnalist Ekrem Konur xabar berdi.
23 yoshli Bastoni "Atalanta" tarbiyalanuvchisi hisoblanadi. U 2017 yilda 31,1 million yevro evaziga "Inter"ga o‘tgandi.
Himoyachi Italiya vise-chempioni tarkibida 118 ta o‘yinda 3 ta gol urdi va 8 ta golli uzatmani amalga oshirdi.
"Inter" va Bastoni o‘rtasidagi kelishuv 2024 yilda yakuniga yetadi. Transfermarkt tomonidan futbolchining bozor qiymati 60 million yevroga baholangan.
