«Milan» va «Bavariya» klublarining sobiq yarim himoyachisi Mark van Bommel rasman Belgiyaning «Antverpen» klubi bosh murabbiyi etib tayinlandi.
Yangi klubida u sport direktori lavozimini egallagan sobiq jamoadoshi Mark Overmars bilan ishlaydi.
Antverpendagi lavozim van Bommel uchun murabbiylik faoliyatidagi uchinchi ish joyi bo‘ladi. Bungacha gollandiyalik mutaxassis «PSV» va «Volfsburg»ni boshqargan, qisqa vaqtdan so‘ng u jamoani tark etishga majbur bo‘lgandi.
Eslatib o‘tamiz, Van Bommel 2006 yilda «Barselona» tarkibida Chempionlar ligasi g‘olibiga aylangandi. Mark uzoq vaqt davomida Myunxenning «Bavariya» sardori bo‘lgan.
