«Милан» ва «Бавария» клубларининг собиқ ярим ҳимоячиси Марк ван Боммел расман Бельгиянинг «Антверпен» клуби бош мураббийи этиб тайинланди.
Янги клубида у спорт директори лавозимини эгаллаган собиқ жамоадоши Марк Овермарс билан ишлайди.
Антверпендаги лавозим ван Боммел учун мураббийлик фаолиятидаги учинчи иш жойи бўлади. Бунгача голландиялик мутахассис «ПСВ» ва «Вольфсбург»ни бошқарган, қисқа вақтдан сўнг у жамоани тарк этишга мажбур бўлганди.
Эслатиб ўтамиз, Ван Боммел 2006 йилда «Барселона» таркибида Чемпионлар лигаси ғолибига айланганди. Марк узоқ вақт давомида Мюнхеннинг «Бавария» сардори бўлган.