"Roma" yarim himoyachi Nikolo Dzanyolo bilan shartnomani uzaytirmoqchi. Bu haqda jurnalist Nikolo Skira xabar berdi.
Manba bergan xabarga ko‘ra, yaqin kunlarda klub vakillari va futbolchining agenti o‘rtasida uchrashuv bo‘lib o‘tishi kutilmoqda. Unda yuqori ish haqi bilan yangi va takomillashtirilgan kelishuv muhokama qilinadi.
Dzanyoloning amaldagi shartnomasi 2024 yilning yozida yakuniga yetadi.
2021/2022-yilgi mavsumda italiyalik yarim himoyachi “Roma” safida barcha turnirlar doirasida 42 ta o‘yinda maydonga tushib, 8 ta gol urdi va 7 ta golli uzatmani amalga oshirdi.













