Ashraf Xakimi Kilian Mbappening "PSJ" bilan shartnomasini uzaytirishi haqida hazil qildi.
Shartnomasi mavsum oxirigacha hisoblangan 23 yoshli fransiyalik futbolchi “Real”ga o‘tishdan bosh tortdi va parijliklar bilan 2025 yilning yoziga qadar shartnoma imzoladi.
“Menimcha, Kilianning qolishi kutilmagan voqea bo‘ldi. Men ham Mbappe bilan Neymar va Pikega o‘xshab selfiga tushishimga to‘g‘ri keldi”, - deydi parijliklar safida o‘ynayotgan Madrid tarbiyalanuvchisi.
Eslatib o‘tamiz, "Barselona" himoyachisi Jerar Pike 2017 yilda jamoadoshi Neymar bilan selfiga tushib, uni ijtimoiy tarmoqlarga joylashtirgan va "U qoladi", - deb yozgandi.
Tez orada braziliyalik futbolchi rekord 222 million yevro evaziga "PSJ"ga o‘tdi.