"Bavariya" hujumchisi Robert Levandovski "Barselona"ga o‘tishi mumkinligi haqidagi savolga javob berdi.

"Barsa"? Bu bir qancha omillarga bog‘liq. Menimcha, mening vaziyatim aniq, shuning uchun men buni muhokama qilishdan ma’no ko‘rmayapman.

Keyingi mavsumda "Bavariya"da o‘ynaymanmi? Bu savolga javob berish qiyin", - deya Levandovski so‘zlaridan iqtibos keltirmoqda jurnalist-insayder Fabrisio Romano.

2021/22 yilgi mavsumda Levandovski "Bavariya" safida barcha musobaqalarda 47 o‘yinda 50 ta gol urdi va 7 ta golli uzatmani amalga oshirdi. Uning Myunxen klubi bilan shartnomasi 2023 yilning 30 iyuniga qadar amal qiladi.

Avvalroq, 33 yoshli polshalik forvard "Barselona" bilan 2025 yilgacha mo‘ljallangan shartnoma borasida kelishib olgani haqida xabar berilgandi.