"Бавария" ҳужумчиси Роберт Левандовски "Барселона"га ўтиши мумкинлиги ҳақидаги саволга жавоб берди.
"Барса"? Бу бир қанча омилларга боғлиқ. Менимча, менинг вазиятим аниқ, шунинг учун мен буни муҳокама қилишдан маъно кўрмаяпман.
Кейинги мавсумда "Бавария"да ўйнайманми? Бу саволга жавоб бериш қийин", - дея Левандовски сўзларидан иқтибос келтирмоқда журналист-инсайдер Фабрицио Романо.
2021/22 йилги мавсумда Левандовски "Бавария" сафида барча мусобақаларда 47 ўйинда 50 та гол урди ва 7 та голли узатмани амалга оширди. Унинг Мюнхен клуби билан шартномаси 2023 йилнинг 30 июнига қадар амал қилади.
Аввалроқ, 33 ёшли польшалик форвард "Барселона" билан 2025 йилгача мўлжалланган шартнома борасида келишиб олгани ҳақида хабар берилганди.