"Everton" yarim himoyachisi Allan Markes "Napoli"dan "PSJ"ga o‘tmagani haqida gapirdi. Eslatib o‘tamiz, 2019 yilning qishida Parij klubi futbolchi bilan shaxsiy shartnoma shartlari bo‘yicha kelishib olgandi, ammo "Napoli" uni qo‘yib yuborishga rozi bo‘lmagandi.
"Aytaylik, 2019 yilda men "PSJ"ga o‘tishga juda yaqin qolgandim. Men va klub o‘rtamizda hammasi kelishilgan edi, ammo "Napoli" juda ko‘p narsani talab qildi. Men Neapolda baxtli edim, lekin shu bilan birga yangi tajriba uchun borishni va ajoyib imkoniyatdan foydalanishni xohlardim. Keyin men katta umidsizlikni his qildim", - deya iqtibos keltiradi Calciomercato nashri.
Eslatib o‘tamiz, Allan 2020 yilning yozida Karlo Anchelotti tomonidan jamoaga chaqirilgan paytda "Everton"ga o‘tgan edi. Frenk Lempard qo‘l ostida braziliyalik futbolchi jamoaning asosiy o‘yinchisiga aylana olmadi.













