"Manchester Yunayted" a’zosi Pol Pogba yozgi transfer oynasida jamoadan ketishi aniq bo‘lib ulgurganidan xabaringiz bor.
La Stampa nashri bergan ma’lumotlarga ko‘ra, 29 yoshli fransiyalik yarim himoyachi "Yuventus"ga o‘tishga qaror qilgan. U turinliklar safida o‘ynash uchun "PSJ" va "Manchester Siti" taklifini rad etgan.
29 yoshli amaldagi jahon chempioni iyun oyi so‘nggida "MYU"ni erkin agent maqomida tark etib, "keksa sinyora" safiga borib qo‘shiladi. Transfermarkt portali ma’lumotiga ko‘ra "Yuve" 55 million yevroga baholangan Pogbani tekinga qo‘lga kiritadi.