"Barselona" bosh murabbiyi Xavi "Vulverxempton" yarim himoyachisi Ruben Nevesh bilan ehtimoliy transfer borasida muzokara o‘tkazdi.
Diario Sport xabariga ko‘ra, ispan klubi 25 yoshli futbolchini Serxio Busketsning o‘rniga nomzod sifatida ko‘rmoqda. Xavi Neveshni "Kamp Nou"ga o‘tishga ko‘ndirmoqchi, chunki uning "bo‘rilar" bilan amaldagi shartnomasi 2023 yilda tugaydi.
O‘tgan mavsumda Nevesh 36 ta o‘yin o‘tkazib, 4 ta gol urdi va 2 ta golli uzatmani amalga oshirdi. Transfermarkt portali futbolchining narxini 40 million yevroga baholamoqda.