"Барселона" бош мураббийи Хави "Вулверхэмптон" ярим ҳимоячиси Рубен Невеш билан эҳтимолий трансфер борасида музокара ўтказди.
Diario Sport хабарига кўра, испан клуби 25 ёшли футболчини Серхио Бускетснинг ўрнига номзод сифатида кўрмоқда. Хави Невешни "Камп Ноу"га ўтишга кўндирмоқчи, чунки унинг "бўрилар" билан амалдаги шартномаси 2023 йилда тугайди.
Ўтган мавсумда Невеш 36 та ўйин ўтказиб, 4 та гол урди ва 2 та голли узатмани амалга оширди. Transfermarkt портали футболчининг нархини 40 миллион еврога баҳоламоқда.