"Real" yarim himoyachisi Eden Azar sog‘lig‘i haqida gapirdi.

“Men klubni tark etish haqida hech o‘ylamagan edim, chunki men o‘zgarish qila olishimni bilaman. Ilgari o‘zimni to‘liq maydonda ko‘rsatish uchun eng yaxshi holatda emasdim.

Buni klub ham biladi. Bir yarim yildan beri to‘pig‘im bilan bog‘liq muammolarga duch keldim. Hozir menda yaxshi futbol ko‘rsatish uchun barcha sharoitlar mavjud. Endi to‘pig‘im bilan bog‘liq muammolar va boshqa jarohatlarim yo‘q. Hammasi yaxshi", - deya Azarning so‘zlarini keltiradi Marca.

Belgiyalik futbolchi o‘tgan mavsumda "Real" safida barcha turnirlar doirasida 23 ta o‘yinda maydonga tushib, 1 ta gol urdi va 2 ta golli uzatmani amalga oshirdi. O‘yinchining Madrid klubi bilan shartnomasi 2024 yilgacha mo‘ljallangan.