"Реал" ярим ҳимоячиси Эден Азар соғлиғи ҳақида гапирди.
“Мен клубни тарк этиш ҳақида ҳеч ўйламаган эдим, чунки мен ўзгариш қила олишимни биламан. Илгари ўзимни тўлиқ майдонда кўрсатиш учун энг яхши ҳолатда эмасдим.
Буни клуб ҳам билади. Бир ярим йилдан бери тўпиғим билан боғлиқ муаммоларга дуч келдим. Ҳозир менда яхши футбол кўрсатиш учун барча шароитлар мавжуд. Энди тўпиғим билан боғлиқ муаммолар ва бошқа жароҳатларим йўқ. Ҳаммаси яхши", - дея Азарнинг сўзларини келтиради Marca.
Бельгиялик футболчи ўтган мавсумда "Реал" сафида барча турнирлар доирасида 23 та ўйинда майдонга тушиб, 1 та гол урди ва 2 та голли узатмани амалга оширди. Ўйинчининг Мадрид клуби билан шартномаси 2024 йилгача мўлжалланган.
