"Atletiko" sport direktori Andrea Berta "Chelsi"da ham xuddi shunday lavozimni egallashi mumkin. Bild nashri xabariga ko‘ra, mutaxassis Marina Granovskaya ketsa, klubning yangi sport direktori bo‘ladi.
Xabar qilinishicha, Granovskaya yozgi transfer oynasi vaqtida klubga yordam berish uchun hozircha "Chelsi"dagi o‘z o‘rnida qolishga rozi bo‘lgan, biroq ma’lum vaqtdan keyin Marina "ko‘klar"ni tark etishi istisno qilinmagan.
Eslatib o‘tamiz, Marina Granovskaya 2017 yilda o‘sha paytdagi bosh murabbiy Antonio Konte bilan janjal tufayli iste’foga chiqqan Maykl Emenalo o‘rniga "Chelsi" sport direktori lavozimiga kelgan edi.